സംഗീതം, നൃത്തം, സാഹിത്യം, കരകൗശലം, ചിത്രകല, ഫോട്ടോഗ്രാഫി, സിനിമറ്റോഗ്രാഫി, പാചകകല, തുടങ്ങി പല മേഖലകളിൽ കഴിവുള്ള കണ്ണൂർ ജില്ലക്കാരുടെ സൃഷ്ടികൾ ഒരു കുടക്കീഴിൽ ലോകത്തിന് മുമ്പിൽ തുറന്നു കാട്ടുവാനാണ് ഈ വേദി ഞങ്ങൾ ഒരുക്കിയത്.

ഞങ്ങൾക്ക് ലഭിക്കുന്ന സൃഷ്ടികൾക്കനുസരിച്ച് ഈ വെബ്സൈറ്റിൽ ഞങ്ങൾ ആനുകാലികമായി മാറ്റങ്ങൾ വരുത്തുന്നതാണ്. ആയതിനാൽ ഈ വെബ്സൈറ്റിൽ മുകളിൽ കാണിച്ചിരിക്കുന്ന പട്ടികയിലും മാറ്റങ്ങൾ വരുത്തുന്നതായിരിക്കും.

സൃഷ്ടികൾ അയക്കുന്നതിനു പ്രായപരിധിയില്ല. അതുകൊണ്ടു തന്നെ അച്ഛനും അമ്മയ്ക്കും മക്കൾക്കും അമ്മൂമ്മയ്ക്കും എല്ലാം ഈ വേദി പങ്കിടാം.

ഈ വെബ്സൈറ്റിൽ ഉൾക്കൊള്ളിച്ചിട്ടുള്ള പല സൃഷ്ടികളും വളരെ മേന്മയേറിയതാണ് എന്ന് ഞങ്ങൾ അവകാശപ്പെടുന്നില്ല. ഉയർന്നു വരുന്ന കലാകാരന്മാരെയും കലാകാരികളെയും മറ്റു കുരുന്നു പ്രതിഭകളേയും ലോകത്തിന് മുന്നിൽ പരിചയപ്പെടുത്തുക എന്നതാണ് ഞങ്ങൾ മുഖ്യമായും ഉദ്ദേശിച്ചിട്ടുള്ളത്.