വാർദ്ധക്യം

തെരുവിലെ ശ്വാനന്മാർ

സഹസ്രങ്ങൾ വിലമതിക്കുന്ന 

പാദുകങ്ങളും ആടകളും അണിഞ്ഞു

അങ്കണത്തിലെ ആഡംബര

കാറിൽ കയറി യാത്ര ചെയ്യുന്നിവർ

അറിയുന്നില്ല

നഗ്നപാദരാം ഈ പാവങ്ങളുടെ രോദനം

ദാരിദ്ര്യത്തിൻ കയ്പ്നീർ നുണയുന്ന

വേളയിൽ തൻ പൈതലിൻ

പശി മാറ്റുവാൻ തൻഗേഹത്തിന്

മുൻപിൽ പൈതങ്ങളെ ഇരുത്തി

അയൽവീട്ടിൽ വേപദപൂണ്ടു

വേലചെയ്യുന്നിവരുടെ വേദന

അറിയുന്നില്ലിവർ

നഗ്നപാദരാം ഈ പാവങ്ങളുടെ രോദനം.

പശി മാറ്റുവാൻ അമ്മയുടെ കൈയ്യിലെ

പൊതിച്ചോറിനായി കാത്തിരുന്ന

പൈതങ്ങൾ വിശപ്പിൻ വിളി

അസഹനീയമായപ്പോൾ

മറക്കുവാനായി ക്രീഡകളിലേർപ്പെട്ട

പൈതങ്ങൾക്ക് നേരെ പാഞ്ഞടുക്കുന്ന

ശ്വാനന്മാർ,

ചിതറിയോടിയ പൈതങ്ങളിലൊന്നിനെ

തെരുവുനായ്ക്കൾ കടിച്ചു കൊന്നപ്പോഴും

ഇവരറിയുന്നില്ല നഗ്നപാദരാം

ഈ പാവങ്ങളുടെ രോദനം.

പാദസഞ്ചാരികളുടെ നേർക്ക്

ദന്തങ്ങൾ കാണിച്ച് ക്രൗര്യത്തോടെ

പാഞ്ഞടുക്കുന്ന ശ്വാനവർഗ്ഗത്തിനോ,

അതോ ഒരമ്മയുടെ കണ്ണിൽനിന്നുതിരുന്ന

കണ്ണീർ തുള്ളികൾക്കോ മുൻതുക്കം കൊടുക്കുന്നിതിവർ,

പൊറുക്കുകില്ലൊരുക്കിലും, പൊറുക്കുകില്ലൊരുക്കിലും

ആ കുഞ്ഞുപൈതലിനാത്മാവ്.