മോഹങ്ങളെന്നോട് മന്ത്രിച്ചു
ഭാണ്ഡത്തിലെന്നെ ചുമക്കയാണോ
ഒന്നല്ലൊരുപാട് ചോദ്യശരങ്ങളാൽ
നീറുന്നതെൻ മനം കാലങ്ങളായ്
സംവത്സരങ്ങൾ കൊഴിഞ്ഞു പോയി
സന്താപമൊന്നും ഒഴിഞ്ഞതില്ല
സന്ദേഹമിന്നും കൊള്ളിയാനായ്
മിന്നുന്നകതാരിൽ ഭീതിയായി
ഭാണ്ഡമിറക്കി ഞാൻ ചാരെയായി
ഒരു നെടുവീർപ്പിൻ്റെ ബാക്കിപത്രം
മോഹത്തിൻ ചോദ്യങ്ങൾ വീണ്ടും മുഴങ്ങുന്നു
ഉത്തരം കിട്ടാതനന്തമായി.
