പകലോൻ കിഴക്കിനിത്തിണ്ണയിൽ തെല്ലൊന്ന്
വർണ്ണങ്ങൾ വാരിവിതറിയൊളി തൂകി.
മനസ്സിന്നഗാധമാം സാഗര നീലിമ –
സ്വഛന്ദശാന്തമായി ഉള്ളിലൊഴുകുന്നു.
ഇന്നലെയോളമെന്തെന്നറിയാത്ത
കാമന വന്നെൻ്റെ നെഞ്ചകം പുൽകുന്നു.
കാവ്യം മനോഹരം ജീവിതയാത്ര തൻ
പുത്തനുണർവ്വിന്നുറവ തന്നാലയം.
നീലപങ്കത്തിൻ്റെ ചായത്തിൽ ചാലിച്ച
ഇന്നലെകൾ മാറി പുത്തന്നുണർവുമായ്.
അശ്വമേഥത്തിലെ യാഗാശ്വമായി ഞാൻ
ഭൂവിതിൽ വർണ്ണശലഭമായ് പാറട്ടെ.
