സമയം നോക്കുന്ന കുഞ്ഞമ്പു

രതീശൻ ചെക്കിക്കുളം

ഇല്ലട്ടക്കരി     
പോൽത്ത കുഞ്ഞമ്പു 
ഇത്ബെരക്കും
വാച്ച് കെട്ടീറ്റ്ല്ല...
എന്നിറ്റും 
സമയത്തിനൊര്  
ബറോംല്ല...

"സർവ്വേരി ക്കല്ലെണ്ണം
കണിശന്മാറ് ബന്നിറ്റും
കുഞ്ഞമ്പൂൻറ്റെ 
ജാകേല്
ഒരു പണത്തൂക്കം
തേയംല്ലേൻറ്റെ 
ചെറിയേന്ന്"
ഉമ്പൂട്ടി സ്റാപ്പ് 
മുത്തരി വെക്കും....

കുടക്കമ്പിമാതിരിയുളള 
വിരലുകള്‍
മടക്കിയും നീർത്തും
തീയ്യൻ കുഞ്ഞമ്പു 
സമയം നോക്കിയാലേ 
ഈടയുളളൂട്ടർക്ക് ജനിപ്പാകൂ
""..ബല്ലാത്ത ഒരു മൂലയെന്ന്യത്...""
വേലായുധന്‍ ഗുരിക്കള് 
തടി സെലാമത്താക്കും....

""ജമണ്ഡൻ സമയങ്ങൾ
ക്കുടുക്കി ലൂടെ
തുർത്തിപ്പോകുന്ന 
ഉമ്മണാച്ചി
സമയം ബെരെ 
പച്ച ത്തീയൻ 
ബെറ്ങ്ങനെക്കളയൂല...

തെയ്യത്തിൻറ്റെ
മാറ്റലക്കാൻ
ഞാക്ക് തെരും
..തൊപ്പൻ പയിശ
കണ്ടിറ്റില്ലേങ്കില്
തൊണ്ടൻറ്റെ
മൊത്തിയിണ്ടാകും
അടിക്ക് പിടിച്ച 
ചട്ടി പോലെ"""
വണ്ണാത്തി  ച്ചീയ്യേയി
വിരല്‍  "വി"  യാക്കി 
നീട്ടി തുപ്പും. ..

എട്ടേമുക്കാലിന്
മുറിയത്തന ഒലമ്പ കെട്ടീറ്റ്
ചന്തുമണിയാണി 
മൂർത്തക്കല്ല് വെക്കും

ഒമ്പതേകാലിന് 
ബെലങ്ങന 
ക്കുത്ത്കൊടുത്തിറ്റ്
കട്ടില വെക്കും
അമ്പാടിആശാരി...

ഒമ്പതരക്ക്മുമ്പിൽ 
മച്ചിത്തേങ്ങയടിച്ചിറ്റ്
ബോണിവെക്കും
വാണിയൻ കേളൂൻറ്റെ
നായിക്കുറുക്കൻ....

ഒമ്പതേമുക്കാലിനും
പത്തേകാലിനും 
ഇടയിലൂടെ
കൊശോൻ മാധവന്റ്റെ
രണ്ടാമത്തെ 
വെളീലെ പെണ്ണ്
പെറാൻ വെരും..

ഓൻറ്റെ 
ബൗസുളള സമയം
ഞാള് കുയിപ്പൊറം 
താക്കുംന്ന്
എത്രോട്ടം മലേൻ രാമന്‍
ബശീകരപ്പണിയെട്ത്തിനീന്ന്
കാണുന്നൂട്ടറെ
മുമ്പിലെല്ലം
ലുങ്കീൻറ്റെ
കോന്തലയെട്ത്ത്
ബ്ലൗസിൻറ്റുളളിൽ
ച്ചെരുതും
മൂത്തമ്പേക്കൻ.....